आफ्नै छोराले कुटेर भाँचीदिए बाबुको खुट्टा

गुल्मीमा आफ्नै छोराले बाबुको खुट्टा भाँचेका छन् | धुर्कोट रजस्थल-९ मा बस्ने तारापति भण्डारीलाई बुधबार राति आफ्नै छोरा जीवन भण्डारीले कुटेर गम्भीर घाइते बनाएका थिए |

घाइते भण्डारीको खुट्टा भाचिएको छ भने शरीरका अन्य भागमा पनि गम्भीर चोट लागेको स्थानीयबासीको भनाइ छ | घाइते भण्डारीको तम्घासमा उपचार हुन नसकेपछि पाल्पा पठाएको प्रहरीले बताएको छ | परिवारका अन्य सदस्यले बाबु छोरा बिच अंशवण्डासम्बन्धी कुरामा बढेको बताए |

जिबन बुटवलमा होटल व्यवसाय गरी बस्ने गरेको र कुटपिट पछि बुटवल नै गएको प्रहरीले बताएका छन् | प्रहरीले जीवनलाई बुटवलबाट झिकाउने प्रयास भएको जनाएको छ | घटनाको बारेमा प्रहरीले थप अनुसन्धान गरिरहेको बताएको छ |