बढ्न थाल्यो सुनको भाउ

केहि दिन अघि २ दिन सम्म ३ हजार दिनहु घटेको सुनको भाउ फेरी बढ्न थालेको छ |

गत हप्ताको बुधबार र बिहिबार सुनको भाउ प्रति तोलाको ४९ हजार ५ सयमा झरेको सुनको मूल्य आज सोमबार ५० हजार ८ सय पुगेको छ |

गएको शुक्रबार देखि सुनको भाउ बढ्न थालेको हो | शुक्रबार सुनको भाउ प्रतितोला रु ५०० बढेर ५० हजार पुगेको थियो |

अन्तर्राष्ट्रिय बजारमै सुनको मूल्य बढेकोले नेपालमा पनि सुनको मूल्य बढेको नेपाल सुनचाँदी व्यवसायी महासंघले जनाएको छ |

आइतबार १४ सय ५ डलर प्रति औँस भएको सुन सोमबार अन्तराष्ट्रिय बजारमा सुन प्रतिऔँस १४ सय २० डलर पुगेको छ |

सुनको भाउ बढे पनि चादीको भाउ भने स्थिर नै रहेको छ | गत बिहिबार देखि नै चाँदी तोलामा ८ सय ९० रुपैयाँमा किनबेच भइरहेको छ |

Link: gold-price-rising