एक हप्ता अघि देखि घट्दै आएको सुनको मूल्य आज आइतबार बढेको छ । अन्तराष्ट्रिय बजारमा सुनको भाउमा भैरहेको उतारचढाव भएकोले नेपाल बजारमा पनि सुनको मूल्य घटबढ भएको सुनचादी ब्यबसायी बताउछन ।
बिहिबार भन्दा १४ सयले घटेर शुक्रबार प्रतितोला ४८ हजार १ सय भएको सुनको भाउ आइतबार फेरी बढेको छ ।
शुक्रबार भन्दा तोलामा ४ सयले बढेर आइतबार सुनको मूल्य ४८ हजार ५ सय रुपैयाँ पुगेको नेपाल सुन चाँदी व्यवसायी महासंघले जनाएको छ ।
आज अन्तराष्ट्रिय बजारमा सुनको मूल्य प्रतिऔँस १२ सय ३७ डलर छ यस अघि भने १२ सय १२ डलर थियो ।
आज चाँदीको भाउ पनि तोलामा २० रुपैयाले बढी ८ सय १५ रुपैयाँमा कारोबार भैरहेको छ ।
