गौशाला, ९ मङ्सिर । महोत्तरी जिल्लामा केही दिनदेखि चोरीका गाडी प्रहरीको सवारी बनेको छ ।
जिल्लामा चोरहरूले छिमेकी राष्ट्र भारतका विभित्र सहर तथा नेपालका विभित्र सहर बजारबाट चोरेर ल्याएका मोटरसाइकल अहिले जिल्लाका विभित्र चौकी इन्चार्ज र घुमुवा प्रहरीले प्रयोगमा ल्याएका छन् ।
जिल्लामा डेढ दर्जनभन्दा बढी चोरीका मोटरसाइकलमा प्रहरीहरूले सो गाडीका नम्बर मेटेर आफैले नम्बर लेखाएर ‘प्रहरी – १,२... गरी २०’ सम्म लेखेर चढ्ने गरेका छन् ।
प्रहरीले जिल्लाका विभित्र नाका वा जाँच प्वाइन्टमा कागजातको अभाव वा शङ्काको आधारमा पक्राउ गरेका मोटरसाइकलको अनुसन्धान गरी सम्बन्धित व्यक्तिलाई दिनुको साटो आफ्नै प्रयोगमा ल्याउँदा चोरी भएका मोटरसाइकल भेट्टाउन झन् असम्भव हुने गरेको जिल्लावासी बुद्धिजीवीहरू बताउँछन् ।
प्रहरीले प्रयोग गर्ने गरेका चोरीका गाडीलाई जिल्लाका ट्राफिक प्रहरीले पनि कहीँ समात्दैनन् भने उनीहरूका लागि हेलमेट, ब्लुबुक वा लाइसेन्सको पनि आवश्यकता पर्दैन । साथै त्यस्ता मोटरसाइकलका लागि प्रहरीले कुनै कर पनि तिर्नु पर्दैन ।
हिजो–अस्तिसम्म मोटरसाइकलमा सीमित रहेकोमा अहिले प्रहरीले चोरीका चारचक्के गाडीमा समेत ‘जिल्ला प्रहरी’ लेखेर खुलेआम चढिरहेका छन् भने यसका लागि कुनै पनि निकाय वा सरोकारवालाले केही पनि बोल्ने साहस नगरेको अवस्था रहेको छ । रासस
0 comments:
Post a Comment