पाटन अस्पतालमा लाठीचार्ज पछि स्थिति तनाबग्रस्त

अपडेट: आन्दोलनरत पक्षले उपकुलपतिको कार्यकक्षमा लगाएको ताला केहीबेरअघि प्रहरी प्रशासनले खोलेको छ ।
केहि समय अघि देखि सुरु भएको आन्दोलनको क्रममा पाटन अस्पतालमा बिहीबार लाठी चार्ज भएको छ | पाटन अस्पतालमा आन्दोलनको थप कार्यक्रम अन्तर्गत अस्पतालमा तालाबन्दी कार्यक्रम राखेपछि प्रसाशनले प्रहरी बोलाएको थियो |

पाटन स्वास्थ्य विज्ञान प्रतिष्ठानमा आन्दोलनरत् स्वास्थ्यकर्मी तथा कर्मचारीहरुले प्रतिष्ठानमा दक्ष चिकित्सक हुँदा हुँदै बाहिरबाट ल्याएर शिक्षाध्यक्ष नियुक्ति गरिएको भन्दै त्यसको बिरोधमा आन्दोलन गरिरहेका छन् |

उपकुलपति संगीता भण्डारी र शिक्षाध्यक्ष सौम्या भट्टाचार्यको राजिनामा गर्दै आन्दोलन आन्दोलनकारी माथि प्रहरीले लाठी चार्ज गरेको हो | लाठीचार्जमा त्यहाँ अध्ययनरत् एमबीबीएसका छात्र छात्रा समेत परेपछि विद्यार्थीहरु 'एप्रोन' खोलेर धर्नामा बसिरहेका छन् |

अस्पतालको स्वास्थ्य सेवामा भने आन्दोलनकारीले अवरोध नपुर्‍याए पनि भिसी र रेक्टरको कार्यकक्षमा ताला लगाइदिएका छन् |
आन्दोलन गरिरहेका चिकित्सक, विद्यार्थी र कर्मचारीहरुले प्रहरीलाई आन्दोलनमा अबरोध नगर्न आग्रह गरेर बाहिर निकालेका थिए | प्रहरीको लाठि`चार्जले पाटन अस्पताल तनाब ग्रस्त बनेको छ |