धादिङका किसानले गरे दुध पोखेर सडकमै रोपाइँ

मोटर संचालन गर्न रोक लगाइएपछि गाउमा उत्पादन हुने दुध,तरकारी तथा अन्य कृषिजन्य सामान बजारमा ल्याउन नसके पछि आक्रोशित किसानले सडकमा नै रोपाइँ गरेर बिरोध गरेका छन् |

धादिङको मुरलीभन्ज्याङ गाविस-७ निगालपानीका स्थानीय बासिन्दाले धादिङको जिबिसको निर्णय प्रति सडकमा दूध पोखेर रोपाइँ गरि बिरोध प्रकट गरेका हुन् |



बर्षायाममा सबारी चलाउदा सडक जिर्ण बन्छ भन्दै धादिङको उत्तरी क्षेत्र र गोरखा जिल्ला जोड्ने धादिङबेंसी-सल्यानटार सडकमा जिविसले मोटर संचालनमा रोक लगाएको थियो |

सडक बन्द भएपछि गाउका सामानहरु बजार ल्याउन नसक्दा किसान मर्कामा परेका छन् | २०४३ सालमा बनाउन सुरु गरिएको उक्त सडक निर्माण अझै पुरा हुन सकेको छैन |

२०४३ सालदेखि निर्माण सुरु गरिएको उक्त ग्रामीण सडक हरेक वर्ष वर्षायाममा बन्द गरिँदै आएको छ ।
बाटो बनाउनको लागि भन्दै हरेक वर्ष बर्षायाममा सडक बन्द गरेपछि सडक बन्नुको सट्टा सडकको अबस्था झन पैदल हिन्द समेत नहुने गरि बिग्रिएकोले आक्रोशित किसानले सडकमा दुध खन्याएर रोपाइँ गरेका हुन् | यति गर्दा पनि जिबिस ले बेवास्ता गरे जिबिस कै प्राङ्गणमा दुध पोखी बिरोद गरिने त्यहाका स्थानीय कृषकहरुले चेतावनी दिएका छन् |