चर्चित सामसुङ ग्यालेक्सी सिरिज अन्तर्गत S5 भर्खरै केहि दिन अगाडी मात्रै सार्बजनिक भएको छ | अप्रिल को अन्तिममा बजार मा आउने लागेको यो नया ग्यालेक्सीले बजारमा निक्कै तहल्का मच्चाउने छ भनेर धेरैले अनुमान गरेका छन् | तर छिमेकि देश भारतमा भने ग्यालेक्सी S4 को मुल्यमा भरि कटौती गरिएको भारतीय समाचार ABP न्युजले लेखेको छ | स्रोतका अनुसार भारतमा सामसुङ ग्यालेक्सी S4को मूल्य घटाएर झन्डै ३०००० (ने रु.४८,००० ) मा बिक्री गर्न थालिएको जनाएको छ |
यद्यपी कम्पनीको तर्फबाट भने मूल्य घटेको कुनै आधिकारिक जानकारी आएको छैन |
सामसुङ ग्यालेक्सी S4 जब भारतमा लन्च भएको थियो त्यस समयमा सामसुङ ग्यालेक्सी S4 को मूल्य भारतीय रुपैया ४१,५००( ने रु. ६६,४००) रहेको थियो | तर धेरै भारतीय अनलाइनहरुले अफर भन्दै भारु ३० हजार भन्दा पनि कममा बिक्रीको लागि राखेका छन् |
नेपालमा भने अहिले सम्म सामसुङ ग्यालेक्सी S4 को मुल्य ने रु ६९,५०० रहेको छ | केहि समय अघि मात्रै नेपालमा धेरै सामसुङ मोबाइलको मुल्य केहि घटेको समाचार प्रकाशित भएको थियो |
