सप्तरीमा एक बाबुले एक लाख दिनु पर्ने भएपछि आफ्नै छोरीको हत्या गरेका छन् ।गाउ पंचायतले छोरीलाई एक लाख दिनु भन्ने निर्णय सुनाएपछि पैसा दिनुपर्ने भयो भन्दै बाबुले १० हजार खर्च गरेर आफ्नै छोरीको हत्या गरेका छन् ।
जिल्ला प्रहरी कार्यालय सप्तरीले सुक्रबार पत्रकार सम्मेलन गरि हत्याका मुख्य योजनाकार सप्तरी बथनाहा–७ का ५० वर्षीय चन्द्र राउत र सप्तरीकै ४५ वर्षीय मोहन साहलाई सार्बजनिक गरेको छ । हत्यामा संलग्न अन्य २ भारतीय भने फरार छन् ।
गत जेठ ७ गते प्रहरीले एक १७ वर्षीय किशोरकिो शब सप्तरी कोइलाडी बर्साइन–९ स्थित बच्चा साहको फुलबारीमा घाटीमा धारीलो हतियार प्रयोग गर्नुका साथै अनुहार पूर्ण रूपमा जलेको अवस्थामा किशोरीको शब फेला परेको थियो ।
शव फेला परेको २ दिन पछि मात्र प्रहरीले उक्त शव चन्द्र राउतको छोरीको भएको पत्ता लगाएको थियो ।
आफ्नो छोरी बेपत्ता हुदा पनि सोधी खोजि नगरेको भन्दै प्रहरीले हत्यामा बाबुकै संलग्नता हुन् सक्ने भन्दै उनलाई पक्राउ गरेको थियो । पक्राउ पछि सुरुमा उनले आफुलाई थाहा नभएको बताए पनि पहरीको दबाब पछि उनले हत्याको रहस्य खोलेका थिए ।
राउतका १७ बर्षीय छोरी रुवी कुमारी राउत र सोही गाविस बस्ने सत्य नारायण साहको १८ वर्षीय छोरा अरूण कुमार साह प्रेम सम्बन्ध पछि गत जेठ १ मा भागेर भारतको दिल्ली गएका थिए ।
सोहि बिषयलाई लिएर बसेको गाउ पंचायतले केटा पक्षको दोष देखाउदै दुबैलाई दिल्लीबाट झिकाई छोडपत्र गराउने र केटा पक्षले क्षतिपूर्ति स्वरूप ५० हजार रुपैया तिर्नुपर्ने तर छोडपत्र पछि केटीको अर्कै केटा संग बिबाह गर्नुपर्ने, नगरे केटा पक्षलाई १ लाख जरिवाना तिर्नु पर्ने निर्णय गरेको थियो | आजको राजधानीमा खबर छ |
0 comments:
Post a Comment