लक्ष्मी पूजाका दिन साँझ दीपावली मनाउने बहानामा जथाभावी पटाका पड्काएर सडकमा फाल्ने र घुमफिर गर्न आउने किशोरीहरूलाई जिस्काउनेलाई प्रहरीले विराटनगरबाट नियन्त्रणमा लिएको हो ।
नियन्त्रणमा लिएकाहरूलाई अनुसन्धान गरी केहीलाई सार्वजनिक अपराधअन्तर्गत कानुनी कारबाही चलाउने प्रहरीले जनाएको छ ।
दीपावलीको समयमा हुने अपराध नियन्त्रण गर्न विराटनगरमा बाक्लो गरी प्रहरी परिचालन गरिएको थियो । रातभर प्रहरीको बाक्लो गस्ती भएकोले कुनै अप्रिय घटना हुन पाएन ।
दीपावली मनाउने बहानामा भारी आवाजका शक्तिशाली पटाकाहरू सल्काएर पड्काउन सडकमा फाल्दा बटुवाहरूले सास्ती पाउने गरेका थिए । कतिपयले लक्षित गरेर नै पटाका सल्काएर फालिदिने गरेका थिए ।
प्रहरीले जाँचमा कडाई गरेकोले पटाका अवैध रूपमा आयात हुन नसकेकाले बजारमा बिक्रीवितरण पनि नभएको बताइएको छ ।
0 comments:
Post a Comment