चुरोट खादैमा प्रहरी खोरमा पुर्याउने, बनाउनेले मिच्यो नियम

सार्बजनिक स्थानमा ध्रुम्रपान गरेकै कारण हिजो मात्रै ७२ जनालाई प्रहरीले पक्रियो | सरकारले सार्बजनिक स्थानमा धुम्रपान गर्नेहरु लाई कारबाही हुन्छ भनेर निक्कै अघि देखि सूचना दिइरहेको थियो |

निक्कै समय अघि कानुन बनाइएको भए पनि यसको कार्यान्वयन हुने कुरामा धेरै बिश्वस्त हुन सकेका छैनन | यो भन्दा अघि पनि कानुन बन्ने बित्तिकै केहि व्यक्तिलाई पक्रेर कानुन बन्यो है भन्ने खबरको प्रचार गरेको थियो |

त्यस पछि निक्कै समय सम्म चुप बसेको नेपाल प्रहरीले फेरी हिजो काठमाडौँको केहि ठाउबाट ७२ जना लाई पक्राउ गरेको जनाएको छ |

सार्बजनिक स्थानमा चुरोट खाने मात्र होइन ठुटो जथाभाबी फाल्नेलाई पनि कार्बाही गरिन्छ रे | तिब्र रुपले कडाइका साथ यो नियम लागु गरिने भन्दै चुरोटको ठुटो फाल्नेले पनि नियम अनुसार पाँच सय जरिवाना तिर्नु पर्ने भएको छ |

सुर्तिजन्य पदार्थको बिज्ञापन नै गर्न नपाउने नियम बनाएर सरकाले कारबाही गर्ने भनिरहेको छ | २०६८ बैशाख २६ गते राजपत्रमा प्रकाशित गरि कुनै पनि संचार माध्यमबाट सुर्तीजन्य पदार्थको विज्ञापन गर्न, यसको बिक्रीको लागि कुनै सार्बजनिक स्थानमा सभा सम्मेलन तथा अन्य कार्यक्रम गर्न नपाइने जनाएको थियो |

होर्डिङबोर्ड, भित्ते लेखनहरु सबै सार्बजनिक ठाउबाट हटाउनु पर्ने भनि नियम बनाए पनि सरकार आफैले त्यसको उल्लंघन गरिरहेको छ |

होर्डिङबोर्ड, भित्ते लेखनबाट तथा अन्य तरिकाले बिज्ञापन गरेको पाइएमा एक लाख सम्म जरिवाना गराइने भने पनि सरकार आफैले होर्डिङबोर्डहरु हटाएको छैन |

सरकार नियन्त्रित जनकपुर चुरोट कारखानाको होर्डिङबोर्ड अन्तर्राष्ट्रिय सम्मेलन केन्द्र अगाडिको नागरिक लगानी कोषको भावना मा आज पनि देख्न सकिन्छ |
यसरि कानुन पालना गराउने ले नै कानुन अबज्ञा गर्छन भने अब कारबाही कसले गर्ने त ??