आफुले दु:ख गरेको सिनेमाबाट पारिश्रमिक पाउनु त कता हो कता लगानी गरेको रकम पनि नपाउदा नायक जेके भौतारिरहेका छन्|
सामान्यतयाः दुःख गरेर सिनेमा खेलेपछि पारिश्रमिक पाउनुपर्ने हो । तर, नेपाली सिनेमा भित्र केही यस्ता कलाकार पनि छन् जो पैसा लगानी गरेर सिनेमा खेल्छन् र पछि पछुताउँछन् । चलचित्र दुलही रानीमा ३ लाख रुपियाँ लगानी गरेर नायक वनेका जेके शर्मा अहिले त्यही नियति भोगिरहेका छन् ।
सुरुमा ३ लाख रुपैयाँ लगानी गरेका शर्मालाई चलचित्र निर्देशक शोभीत बस्नेतले धोका दिएपछि उनी अहिले विभिन्न निकाय गुहार्न थालेका छन् । दुलही रानीको भीसीडी राईट्सवाट तीन लाख रुपैयाँ जेकेलाई दिने सहमतीका साथ शोभीतले ३ लाख रुपैयाँ लिएर सिनेमा खेलाएका थिए ।
तर शोभितले बिना जानकारी नै एकलौटी रुपमा भिसिडी राइट्स बुढासुब्बा म्युजिकलाई बेचेर सबै पैसा लिइसके पनि जेकेलाई भने सम्झौता अनुसार पैसा नदिएकै कुरामा शोभितसंग भनाभन पनि परेको स्रोत बताउछ | यहि भनाभनपछी 'जाउँ हिंड पोखराको" सुटिंग पनि बिचमै छोडेर पैसा नपाउन्जेल सेटमा नफर्किने अड्डी कसेर काठमान्डौ आएका छन् | हेरौ यी लगानीकर्ता हिरो कतिन्जेलसम्म अडिग रहन्छन |
0 comments:
Post a Comment