छोरीको पनि ब्रतबन्ध

सुन्दा अचम्म लाग्न सक्छ तर बाचे पछि के के देख्न र सुन्न पाइन्छ पाइन्छ, विधवाले परम्परा तोडेर जग्गे पोलेर अर्को बिहे गरेको ( कुमार केटा संग ) हामीले सुनेका थियौ । छोरीले आफ्ना संरक्षकको किरिया गरेको, हलो चलाएको ( खेत बारी जोत्ने काम ) हामीले सुन्दै देख्दै आएका छौ ।

बैशाख महिनामा ब्रतबन्धको एउटा मात्र साइत थियो आज अर्थात बैशाख १४ गते । ताप्लेजुङको ढुंगेसाँगु ३ घर भएका काठमाडौंको घट्टेकुलो बस्दै आएका रामप्रसाद र सस्मिता पौडेलले आफ्ना १२ वर्षे छोरा आश्वतसँगै आठ वर्षे छोरी ओजस्वीको पनि आज वैशाख १४ गते विधिपूर्वक ब्रतबन्ध गरिदिएका छन् ।



छोरा र छोरी बराबर छन् भन्ने देखाउनको लागि यो ब्रतबन्ध गरिएको बताउछन पौडेल दम्पति । "वैदिककालमा चलेको चलन हो यो हामीले कुनै नया कुरा गरेको होइन बरु हामीले त हाम्रो परम्परा अनुसरण गरेको पो हो त ।" पौडेल आफ्नो तर्क राख्छन -" वैदिककालमा छोरीको गुरुसंगा शिक्षा आर्जन गरि विदुषी बनाउने चलन थियो । यो चलन प्राय सबैले बिर्सेका भएर हामीले यस्तो कदम उठाएका हौँ । "


मैले चाही आज सम्म छोरीको ब्रतबन्ध गर्ने परम्परा थियो भन्ने सुनेको थिइन । तपाइलाई यसको बारेमा केहि थाहा छ कि ??