तिमि कस्तो साथी ??

पहिला पहिला भेट हुँदा, तर्किएर हिँड्थ्यौ
बोलाउँदा स्नेहले, झर्किएर हिँड्थ्यौ

एउटै ठाउँ पुग्नु थियो, मैले तिम्रो साथ मागेँ
एक्लै पुग्छु भनी अन्तै फर्किएर हिँड्थ्यौ


दुई थोपा खुसी माग्दा आँसुले नै भिजाएर
मेरो दु:खी संसारमा दर्किएर हिँड्थ्यौ

मैले आफ्नो जिन्दगीको भविष्यको तस्वीर हेर्ने
एउटै ऐना भन्दा भन्दै चर्किएर हिँड्थ्यौ

झरी पर्दा छाता लिई किन आयौ सोच्दै छु म
ओत माग्दा पहिले पनी छर्किएर हिँड्थ्यौ