संसारमा अहिले सम्म सानो अण्डा भनेको कति ग्रामको होला ? अनुमान लगाउनु होस् त | नेपाल कै चितवनमा कुखुराले २ ग्राम तौल भएको अण्डा परेपछि हेर्नेहरुको भिड लागेको छ |
भरतपुर ११ भोजाडका खेम सुवेदीले पालेको कुखुराले २ दशमलव १ सेन्टिमिटर लम्बाइ र २ ग्राम मात्र तौल भएको अण्डा पारे पछि सबै अचम्मित बनेका छन् |
लगातार १६ वटा अण्डा पर्ने यो कुखुरा भने गिरिराज जातको हो |
न उसिनेर खान मिल्छ न बेच्न नै मिल्छ भनेर सानो अण्डा पर्ने उक्त कुखुरा भने सुबेदीले बेचिसकेछन् तर केहि अण्डा भने धेरै नै सानो भएकाले आनाको सह बस्छ भन्ने बिस्वासले गर्दा भकारीमा राखेको श्रीमती गायत्रीले बताइन |
अन्डाको अबलोकन गर्न आएका पशु मेडिसियन सूर्य रानाले अण्डाको साइज र आकारका आधारमा विश्व रेकर्ड हुने बताएका छन् | कान्तिपुर दैनिकमा कार्तिक ५ गते चीनमा सबै भन्दा सानो अन्डा फेला परेको र त्यसले रेकर्ड राखेको भन्ने समाचार प्रकाशित भए पछि उनीहरुले अण्डा सुरक्षित राखेको समाचार कान्तिपुर दैनिकले छापेको छ |
कान्तिपुरले कार्तिक ५ मा चिनमा सबै भन्दा सानो अण्डा फेला परेको र त्यसको तौल २ दशमलव ५८ ग्राम रहेको र लम्बाई २ सेमि भएको समाचार छापेको थियो |
चितवनमा फेला परेको यो अण्डाले सानो अन्डाको अहिले रहेको रेकर्ड तोड्ने सम्भावना भएकोले नापजाँच र अन्य अवलोकन गर्नका लागि सम्बन्धित सरोकारवाला पक्षसंग सुबेदी परिवारले आग्रह गरेका छन् |
0 comments:
Post a Comment