प्रेमिका संग बिहे गर्न नपाएको झोकमा गोलि हानेर हत्या

तपाई आफ्नो प्रेमिकाको बिबाह उनका बाबुआमाले जबरजस्ती अरु कुनै केटा संग बिबाह गरिदिए भने के गर्नु हुन्छ ?? हामी मध्ये धेरैले त होस् न त भनेर चित्त नै बुझाउने गर्छु होला | केहि ले भने त्यसको बिरुद्धमा केहि आवाज उठाउनु हुन्छ होला, बिहेको कुरा थाहा पाएपछि प्रेमिकालाई लिएर भाग्नु हुन्छ होला | तर भारतका एक प्रेमीले भने आफुसंग बिहे नगरिदिएको भन्दै आफ्नो केटि साथी (प्रेमिका ) र उनका परिवार सहित ५ जनाका हत्या नै गरेका छन् |


अत्याधुनिक बन्दुक लिएर हिडेका २५ बर्षीय रविले सुरुमा उनको केटि साथी र केटि साथीको श्रीमानलाइ गोलि हानेर मारेपछि केटीको बाबु र बहिनिको हत्या गरेको विभिन्न भारतीय मिडियाहरुले जनाएका छन् |रबि केटी र उनको श्रीमान दुबैको हत्या गरेर हातमा बन्दुक लिएर केटीको माइतीमा पुगेर हत्या गरेको भारतीय समाचार समिति प्रेस ट्रस्ट अफ इन्डियाले जनाएको सौर्य दैनिकले लेखेको छ |

केटीको बिबाह करिब १ वर्ष अघि नै भएको भए पनि हाल सम्म केटि संग उनको सम्बन्ध रहदै आएकोले केटीका आमा बुबाले कुरा काट्ने गरेका थिए | आफ्नी प्रेमिका संग बिबाह गर्न नदिएको भन्दै केहि पहिला पनि केटीका बाबु आमासंग भनाभन गरेका उनले उक्त हत्या गरेको बताइएको छ | पहिला बिबाह गर्न नदिनु र पछि सम्बन्ध रहदै आएको थाहा पाएपछि कुरा काट्नुले रबि निक्कै नै रिसाएका कुरा आफुहरुले पनि थाहा पाएको एक बरिष्ठ प्रहरी अधिकृतले बताएका छन् |

अरुको हत्या गरिसकेपछि उनले आफ्नो पनि हत्याको प्रयास गरेको समाचार आए पनि उनको अबस्था कस्तो छ भन्ने बारेर समाचारमा खुलाइएको छैन |

भारतमा अझै सम्म पनि आफ्नो छोरा छोरीको लागि बाबुआमाले नै बर बधु खोज्ने परम्परा कायमै छ | तर, आर्थिक समृद्धिसँगै भारतमा पनि केटा र केटीले आफै बर बधु रोज्ने र ब्यबस्था गर्ने र बाबुआमाले जबरजस्ती गरेर बिबाह गरिदिदा यस्तै आपराधिक क्रियाकलाप गर्ने तिर उन्मुख भएको देखिएको छ | भारतमा सर्बसाधारण व्यक्तिले यस्ता शक्तिशाली हतियार राख्ने अनुमति नभए पनि हिजो आज अबैध हतियार प्रयोग गर्नेहरुको सख्या बढ्दै गएको छ | - एजेन्सी