यसरि बन्यो गूगल इन्टरनेटको राजा (फोटो फिचर)

गूगललाइ इन्टरनेटको राजा भन्दा पनि हुन्छ | इन्टरनेट चलाउनेलाइ गूगलको बारेमा थाहा नहुने भन्ने नै हुन्न होला साहेद |

गूगलले स्थापना भएको १४ बर्ष मै बिस्वमै सबै भन्दा बढी चलाउने साइटको रुपमा आफुलाई परिचित गराएको छ |


गूगल सर्च, गूगल मेल( जीमेल ), गूगल म्याप जस्ता उत्पादनहरु सित्तैमा उपलब्ध हुने भएकोले संसारभरमै यसको प्रयोग बढेको हो | अझ YouTube अनि Android र Blogger पनि भएपछि त इन्टरनेट संसार नै गूगलमय बनेको छ | आउनुहोस गूगलको बारेमा थप जानकारी लिऔं |

लैरी पेज र सर्जे ब्रिनको स्टेनफोर्ड यूनिभर्सिटीमा १९९५ मा भेट भएको थियो र उनीहरुले १९९६ मा सर्च इन्जिन बनाएका थिए | १९९८ मा मात्र गूगल इन्क को नाममा दर्ता भएको थियो |गुगल भन्नाले धेरै संख्या हो , जसमा १ देखि १०० वटा शुन्य लाग्छ |

सुरु भएको केहि समयमा नै यसले इन्टरनेटमा आफ्नो बलियो पकड राख्न सफल भएको थियो | यो भन्दा अघि नै अरु पनि सर्च इन्जिन भए पनि यसले छिट्टो र चित्त बुझ्दो रिजल्ट दिने भए पछि यसको लोक प्रियता बढेको थियो |

सन् १९९८ मा गूगल को होमपेजमा पहिलो पटक गूगल डूडल देखिएको थियो | त्यसपछि हज्जारौ गूगल डूडल यसको होम पेजमा पोस्ट भइ सकेको छ | कुनै स्पेशल दिन वा कुनै ठुला व्यक्तिको सम्झनामा गूगल डूडल होमपेज मा राखिने गरेको छ |

सन् २००० मा गूगलले एडवर्ड बाट इन्टरनेटमा बिज्ञापनको सुरुवात गरेको थियो | जसले गर्दा धेरै व्यापारिक फर्म लाइ निक्कै फाइदा पुगेको थियो |


गूगल ले सन् २००४ को अप्रिल फुलको दिन जिमेल सुरु गरेको थियो | सबै भन्दा धेरै स्टोरेज क्षमता, छिट्टो मेल सेन्ड हुने हुनाले यो छिट्टै अत्याधिक लोकप्रिय हुन गयो | सुरुमा यसको एकाउन्ट बनाउनको लागि आमन्त्रण गर्नु परे पनि पछि भने यो सबै लाइ फ्री बनाइएको हो |


सन् २००५मा यो कम्पनीले गूगल म्याप अनि गूगल अर्थ को सुरु गरेको थियो |यसमा यस्ता सुबिधाहरु उपलब्ध गराइएको छ | जसले पल भरमा बिश्वको कुना कुना हेर्न मिल्छ | अहिले यसले अन्तरिक्ष पनि हेर्न मिल्ने बनाएको छ |
सन् २००६ मा गूगलले अनलाइन भिडियो सेयरिंग साइट  यु-ट्युबलाइ किनेको थियो | अहिले भिडियो सेयरिंगमा सबै भन्दा बढी भिडियो यसमै अपलोड हुने गर्दछ |


यस्तै गूगलले आफ्नै अपरेटिंग सिस्टमको पनि डेभलप गरेको छ |

एन्ड्रोइड नाम दिइएको यो यो अपरेटिंग सिस्टम अहिले धेरै ट्याब्लेट र मोबाइल फोन मा प्रयोग भैरहेको छ |

यसकोलागि भनेर धेरै एप्लिकेसन बनिसकेका छन् | अब यो मानिसको लागि अनिवार्य झैँ भैसकेको छ |

गूगलले जुन उत्पादन ल्याए पनि छिट्टै हिट हुने गर्दछ | २ सेप्टेम्बर सन् २००८ मा गूगलले ओपन सोर्स वेब ब्राउजर ल्यायो |

गूगल क्रोम नाम दिएको यो ब्राउजर निक्कै छिटो पेज लोड गर्ने तथा अरु भन्दा एडभान्स छ | यसले वेब ब्राउजरको इन्टरनेट दुनियामा एउटा नया आयाम ल्याइदिएको छ |

 आज विश्वमा  सबै भन्दा बढी इन्टरनेट प्रयोगकर्ताले क्रोम ब्राउजर प्रयोग गर्ने गर्दछन |