राम राजा सिहको स्वास्थ्य अवस्था चिन्ताजनक, सिंह 'भेन्टिलेटरमा'

काठमाडौँ, २६ भदौ । वयोवृद्ध नेता रामराजाप्रसाद सिंहको स्वास्थ्यस्थितिमा केही असहज देखिएकाले उहाँलाई आज बेलुकीदेखि सघन उपचार कक्षको भेन्टिलेटरमा राखी उपचार थालिएको उहाँको उपचारमा संलग्न चिकित्सकले जानकारी दिएका छन् ।

खुट्टा चलाउन अप्ठ्यारो हुने, ढाड दुख्ने, स्मरण शक्ति कमजोर हुनेलगायत उच्च रक्तचाप एवम् मिर्गाैलाको समस्या भएपछि उहाँ त्रिवि शिक्षण अस्पताल महाराजगन्जमा गत भदौ १७ गते उपचारका लागि भर्ना हुनुभएको हो ।


उहाँको उपचारमा चिकित्सक तथा नशारोग विशेषज्ञ डा केके वली र डा कनकबहादुर राउतको समूह संलग्न छ । नेता सिंहको उपचारको सम्पूर्ण खर्च सरकारले बेहोर्ने निर्णय सोमबार बसेको मन्त्रिपरिषद्को बैठकले गरेको थियो । रासस