ग्यासको मुल्यमा अत्याधिक वृद्धि, बिद्यार्थीहरु आन्दोलनमा

सरकारले खान पकाउने एल पी जी ग्यासको मुल्यमा अत्यधिक मुल्यबृद्धि गरेपछि विभिन्न विद्यार्थी संगठनले काठमाडौमा प्रदर्शन सुरु गरेका छन् ।

 नेपाली कांग्रेस निकट नेपाल विद्यार्थी संघ, एमाले निकट अनेरास्ववियु लगायतका विद्यार्थी संगठनले बुधबार विहान ९ बजेदेखि काठमाडौको बिभिन्न क्याम्पस अगाडि विरोध प्रदर्शन र एक घण्टा चक्काजाम गरेका छन् ।


खान पकाउने ग्यासमा धेरै घाटा बेहोर्नु परेको भन्दै गत फागुन १ गते देखि २ थरि सिलिन्डरको व्यवस्था गरेको थियो | रातो रंगको सिलिन्डर घरयासी प्रयोजनको लागि र निलो रंगको सिलिन्डर ब्यबसायीक प्रयोजनको लागि प्रयोग हुने आयल निगम स्रोत बताउछ |

सरकारले घरायसी प्रयोजनको लागि प्रयोग हुने ग्यास सिलिण्डरमा अनुदान दिने बताएको छ तर अनुदान रकम बैंक बाट लिनु पर्ने छ | अनुदान दिदा पनि ग्यासको मूल्य भने अहिलेको भन्दा बढी नै हुन आउछ |

ग्यास सिलिन्डरको मुल्यमा चर्को वृद्धि गरेपछि विद्यार्थी तथा मजदुरले आन्दोलन गरेपछि काठमाडौँको ट्राफिक व्यवस्था अस्तव्यस्त बनेको छ |

आन्दोलनकर्ता हरुले सरकारले निर्णय नसच्याए सम्म आन्दोलन जारि रहने बताएका छन् |